३१ साउन २०८२, गोरखा । उत्तरी गोरखाको चुमनुब्री गाउँपालिका वडा नं २ स्थित ल्हो गाउँमा गएराती भिषण आगलागी भएको छ । आगलागीबाट ६ वटा घर जलेर नष्ट भएको स्थानिय छेवाङ ग्याल्जेन लामाले जानकारी दिए ।
गएसाती १०ः४५ बजे अचानक आगो देखिएको रआगोले ५ जनाको ६ वटा घर जलेर नष्ट भएको पनि उनले जानकारी दिए ।
आगलागीबाट घर, अन्नपात, लत्ताकपडाका साथै नगद र गरगहना समेत जलेर नष्ट भएको र कुनै पनि मानविय क्षति नभएको वडाध्यक्ष मिग्यूर दोर्जे लामाले जानकारी दिए ।
उनका अनुसार सन्डुक लामाको २ वटा घर र तेन्जेन लामा, ओर्केन लामा, टाँसी लामा र छेवाङ रिजुङ लामाको १–१ वटा घर जलेको हो ।
आगलागीबाट १ करोड भन्दा बढीको क्षति भएको अनुमान गरिएको छ ।
प्रतिक्रिया दिनुहोस
यो खवर पढेर तपाईँलाई कस्तो महसुस भयो?