मङ्सिर २० गते लमहीमा रहेको जुनतारा सुनचाँदी पसलमा गोलि प्रहार गरि लुटपाटको प्रयास गर्ने व्यक्तीलाई दाङ प्रहरी पक्राउ गरेको छ ।
पक्राउ पर्नेमा बंगलाचुली गाउँ पालिका – ४ काभ्रे बस्ने वर्ष ३३ को लेखराज केसी रहेको जिल्ला प्रहरी कार्यालय दाङले जानकारी दिएको छ ।
जिल्ला प्रहरी कार्यालय दाङले शुक्रबार पत्रकार सम्मेलन गरि घटनामा संलग्नअभियुक्तलाई सार्वजनिक गरेको हो ।
केसी पुस ४ गते विहान ७ बजेको समयमा राजपुर – १ मारुनी खोला स्थित जंगलमा लुकीछीपी बसेको अवस्थामा फेला पारी नियन्त्रणमा लिएको थियो ।
केसीलाई दाङ जिल्ला अदालतबाट ४ गते देखि लागु हुने गरी ८ दिनको म्याद थप अनुमति लिई घटनाको विषयमा थप अनुसन्धान भइरहेको वडा प्रहरी कार्यालय लमहीका प्रहरी निरीक्षक रोशनराज पाण्डेयले जानकारी दिनुभयो ।
वडा प्रहरी कार्यालय लमहीका प्रहरी निरीक्षक रोशनराज पाण्डेको अनुशन्धानमा जिल्ला प्रहरी कार्यालय दाङको टोलीले फरार अभियुक्तलाई नियन्त्रणमा लिइएको हो ।
